رحلة جميلة

كانت رحلة جميلة بس كانت
معها مشينا لكن الخطاوي مالت
سابت أثر من جمالها يمكن
شئ إتكسر خيب أمالها ممكن
لكن الأكيد صدقنا وقلوبنا صانت
هان كل شئ وهي ما هانت
هي الحياة إيه غير أثر فينا
نبعد يجوز نختفي لكن تبقى أسامينا
كدب اللي قال عنا بنعيشها وحدينا
حتى الوحيد منا ذكراه ياما شالت
إتهنت ليالي روحه وليالي تانيه عانت
مش معنى الفراق إن القلوب اتغيرت
الكل شاء لكن مشيئة الله قررت
وكأن السما ف عز صيفها مطرت
أحلامنا ياما اتعثرت ولساها صاحيه ومانامت
عايشه جوانا مهما قسيت بنتخيلها لانت
ما فيش حد مذنب لكن دا النصيب
ليه لما تغلب بعلوا صوتك بتمدح
ولما تخسر تسمح لنفسك فيه تعيب
بلاش تخيب لو الحقيقة صرخت ونادت
جايز تغيب لكن أكيد أسبابها بانت
يا عنيد أي رحلة مسيرها تبقي كانت
وعجبي
القيصر وجدي عبد العظيم
ع